2. deild: Selfoss með nauman sigur á Reyni S.

Selfoss er áfram taplaust í 2. deild eftir endurkomusigur gegn Reyni Sandgerði í kvöld.

Reynismenn byrjuðu leikinn betur og komust verðskuldað yfir eftir tæplega stundafjórðung þegar Kristófer Páll fékk boltann og hafði nægan tíma til að koma boltanum í netið.

Selfyssingar komust í góða stöðu eftir hálftímaleik og reyndu hvað þeir gátu að koma sér í almennilegt færi og að lokum tókst Degi að koma boltanum í netið og jafna metin.

Það var síðan Aron Fannar sem tryggði Selfossi sigur þegar honum tókst að koma boltanum í netið úr þröngu færi.