Rice er 22 ára gamall en hann hefur verið fastamaður á miðjunni hjá West Ham síðustu ár og hlotið mikla viðurkenningu fyrir framlag í úrvalsdeildinni.

Hann er í enska landsliðshópnum sem fer á EM og gæti spilað mikilvæga rullu á mótinu.

Rice hefur aldrei á ævinni drukkið bjór en mun smakka hann ef England fer alla leið á EM.

„Veistu hvað? Ég hef aldrei á ævinni drukkið bjór og ég er 22 ára gamall! Þetta er heilagur sannleikur," sagði Rice.

„Ég hef aldrei fengið mér bjór. Ég drekk hann ekki. Ég drekk nú ekki mikið en að fá mér bjór? Ekki séns. Mér finnst lyktin af honum bara ekki góð þannig ég kem ekki nálægt honum."

„Ég mun prófa að fá mér bjór ef við vinnum en ég mun örugglega spýta honum út úr mér," sagði hann í lokin.