Samkvæmt heimildum Fótbolta.net er Bjarki Steinn Bjarkason á leiðinni á láni í ítölsku C-deildina frá Venezia.
Bjarki lék um síðustu helgi sínar fyrstu mínútur í ítölsku Serie A með liði Venezia sem er nýliði í efstu deild. Þar til um helgina hafði Bjarki ekki komið við sögu nema í bikarnum.
Bjarki lék um síðustu helgi sínar fyrstu mínútur í ítölsku Serie A með liði Venezia sem er nýliði í efstu deild. Þar til um helgina hafði Bjarki ekki komið við sögu nema í bikarnum.
Bjarki er 21 árs gamall og er uppalinn hjá Aftureldingu og lék með ÍA áður en hann fór til Venezia haustið 2020.
Samkvæmt heimildum Fótbolta.net er Bjarki Steinn á leiðinni til Catanzaro á láni út tímabilið. Catanzaro er í sjöunda sæti C-riðils.
Íslendingarnir yrðu því þrír í C-deildinni því Emil Hallfreðsson er hjá Virtus Verona og Óttar Magnús Karlasson er á láni hjá Siena. Óttar Magnús er samningsbundinn Venezia eins og Bjarki Steinn.
Bjarki Steinn Bjarkason samkvæmt mínum heimildum líklegast á leið til Catanzaro🔴🟡 á láni út tímabilið. Félagið frá Suður-Ítalíu leikur í C-deild. Nánar um Catanzaro í þætti vikunnar af ítalska boltanum - þar sem Íslendingum finnst skemmtilegast að spila™️
— Björn Már Ólafsson (@bjornmaro) January 11, 2022
Athugasemdir