Rebic er kröftugur og fjölhæfur framherji sem þótti standa sig gífurlega vel á vinstri kantinum hjá Milan á síðustu leiktíð.

Milan fékk Rebic að láni í fyrra. Það tók hann tíma að vinna sig inn í byrjunarliðið en þegar þangað var komið var hann óstöðvandi og skoraði 11 mörk í 26 deildarleikjum. Hann tengdi sérstaklega vel við Theo Hernandez og Zlatan Ibrahimovic.

Rebic, sem verður 27 ára síðar í september, er keyptur frá Eintracht Frankfurt og skrifar undir fimm ára samning við Milan. Kaupverðið er óuppgefið en talið nema um 10 til 15 milljónum evra.

Frankfurt keypti Andre Silva af Milan í staðinn en kaupverðið þar er einnig óuppgefið.