Everton fékk Bernard á frjálsri sölu frá Shakhtar Donetsk árið 2018 og spilaði hann þar í þrjú ár áður en hann hélt til sameinuðu furstaríkjanna og samdi við Sharjah á síðasta ári.

Nú er Digne farinn frá Everton. Aston Villa keypti hann í dag fyrir 25 milljónir punda en samband hans og Rafael Benítez, stjóra félagsins, var orðið stirrt og gat hann ekki hugsað sér að vera lengur í Liverpool-borg.

Bernard skilur ákvörðun Digne að fara mætavel og að ekki er allt sem sýnist.

„Það skilja kannski ekki allir hvað gerist á bakvið tjöldin. Ég elska Everton eins og þú, en því miður er fólk að vinna þarna sem vilja ekki ná sömu markmiðum og við. Ég elska þig bróðir og styð þig í einu og öllu, sama hvar þú spilar," sagði Bernard við kveðju Digne á Instagram.