Soulé virtist ætla að vera hetja Frosinone á síðustu leiktíð en átti erfitt uppdráttar í vor.
AS Roma er með í baráttunni um argentínska kantmanninn Matias Soulé sem er eftirsóttur af Leicester City.
Soulé er 21 árs gamall og leikur sem hægri kantmaður að upplagi en getur einnig spilað sem sóknartengiliður.
Soulé er samningsbundinn Juventus og er talið að ítalska stórveldið vilji um 40 milljónir evra fyrir ungstirnið sitt. Þessi upphæð gæti komið í veg fyrir að Roma takist að sigra Leicester í kapphlaupinu.
Leikmaðurinn lék á láni hjá Frosinone á síðustu leiktíð og var lykilmaður hjá liðinu en mistókst að hjálpa liðinu að forðast fall úr efstu deild þrátt fyrir 11 mörk og 3 stoðsendingar í 36 leikjum.
Soulé byrjaði tímabilið mjög vel en átti aðeins eitt mark og eina stoðsendingu í síðustu 15 leikjum tímabilsins.
Athugasemdir
