Katar: Flottur sigur Al Arabi - Ekki tapað í tvo mánuði

Þetta var torsóttur sigur en eina mark leiksins kom úr vítaspyrnu á 77. mínútu leiksins. Mehrdad Mohammadi fór á vítapunktinn og skoraði það sem reyndist sigurmark Al Arabi.

Aron Einar Gunnarsson, landsliðsfyrirliði, er í lykilhlutverki hjá Al Arabi og hann spilaði auðvitað allan leikinn í dag.

Heimir Hallgrímsson er þjálfari liðsins og í þjálfarateyminu eru Bjarki Már Ólafsson og Freyr Alexandersson.

Al Arabi er eftir sigurinn í dag komið upp í sjötta sæti en liðið hefur ekki tapað í átta leikjum í röð. Síðasta tap Al Arabi kom fyrir tveimur mánuðum síðan.