Valdimar Þór Ingimundarson.
„Við erum að missa frábæran fótboltamann. Mann sem er búinn að skora og leggja upp mörk fyrir okkur," sagði Ólafur Stígsson, þjálfari Fylkis, um Valdimar Þór Ingimundarson eftir leik liðsins gegn KA í gær.
Valdimar spilaði væntanlega kveðjuleik sinn fyrir Fylki í 2-0 tapinu gegn KA í gær en hann er á leið til Stromsgödset í Noregi.
Valdimar spilaði væntanlega kveðjuleik sinn fyrir Fylki í 2-0 tapinu gegn KA í gær en hann er á leið til Stromsgödset í Noregi.
„Þetta er geggjaður strákur og uppalinn Fylkismaður. Við fögnum því að hann komist að erlendis og óskum honum alls hins besta."
Félagaskiptaglugginn er lokaður og því er ljóst að Fylkismenn geta ekki fengið nýjan mann til að fylla skarð Valdimars.
„Það kemur einhver inn og vonandi grípur hann sénsinn. Menn koma og fara í fótboltanum og þá stíga menn upp. Við erum með stráka hérna sem vonandi grípa sénsinn," sagði Ólafur.
Hér að neðan eru viðtöl við Ólaf og Valdimar eftir leikinn í gær.
Athugasemdir
