Seinkun á leiknum í Árbænum því netið var götótt - Guðmann bjargaði Daða

Möskvarnir voru orðnir of stórir ofan á öðru markinu og því þyrfti að kalla til viðgerðarmann til að huga að verkinu.

Sá sem var tilkallaður var Daði Ólafsson leikmaður Fylkis sem er ekki leikfær ennþá eftir að hafa slitið krossband í fyrra.

Daða gekk lítið að gera við markið svo gamla brýnið Guðmann Hauksson vallarstjóri Fylkis mætti á svæðið og setti upp stól og gekk frá málum svo hefja mætti leik, nokkrum mínútum á eftir áætlun.

Hér meðfylgjandi eru nokkrar myndir.