Tottenham og Burnley eigast við í fyrsta leik dagsins í enska boltanum og hafa byrjunarliðin verið gefin út. Jóhann Berg Guðmundsson er ekki í hóp hjá fallbaráttuliði Burnley vegna veikinda.
Leikurinn í dag er gífurlega mikilvægur fyrir bæði lið. Lærisveinar Antonio Conte í Tottenham þurfa sigur í Meistaradeildarbaráttunni á meðan Burnley getur svo gott sem bjargað sér frá falli með sigri.
Heimamenn í Tottenham gera aðeins eina breytingu á liðinu sem lagði Arsenal að vell í vikunni þar sem Lucas Moura tekur byrjunarliðssæti Dejan Kulusevski, sem fer á bekkinn.
Michael Jackson gerir þrjár breytingar á liði Burnley eftir tap gegn Aston Villa um síðustu helgi og bætir auka manni í varnarlínuna.
Aaron Lennon og Wout Weghorst missa sæti sín í liðinu ásamt James Tarkowski sem er meiddur. Þeirra í stað fer Maxwel Cornet á vinstri vænginn á meðan Matt Lowton og Kevin Long koma í varnarlínuna.
Burnley mætir því til leiks á Tottenham Stadium með fimm manna varnarlínu og aðeins einn sóknarmann, Ashley Barnes.
Tottenham: Lloris, Sanchez, Dier, Davies, Emerson, Bentancur, Hojbjerg, Sessegnon, Moura, Son, Kane
Varamenn: Gollini, Austin, Winks, Rodon, Kulusevski, Bergwijn, White, Scarlett, Craig
Burnley: Pope, Roberts, Collins, Long, Taylor, McNeil, Cork, Brownhill, Lowton, Cornet, Barnes
Varamenn: Hennessey, Weghorst, Lennon, Bardsley, Mancini, Thomas, Dodgson, Costelloe, McGlynn
