Í samtali við The Times segir Stewart að sér hafi boðist greiðsla upp á meira en 1 milljón dollara til þess að skemmta á athöfn í kringum mótið en hann hafnaði því.

„Það er ekki rétt fyrir mig að fara," segir Stewart.

Mannréttindi og aðbúnaður farandverkamanna í Katar hafa verið gagnrýnd harðlega í aðdraganda HM. Fjölmargir hafa látið lífið í Katar frá því þau tíðindi bárust að mótið yrði haldið þar í landi. Það hafa verið fréttir um það að verkamenn séu að vinna lengi í miklum hita án þess að fá nægilega mikið magn af mat og vatni.

Þá er samband einstaklinga af sama kyni bannað í Katar og einnig er fræðsla um samkynhneigð skilgreind sem glæpur.