Logi Tómasson var hetja Samsunspor í gær þegar liðið vann 2-1 sigur á Kayserispor í tyrknesku úrvalsdeildinni. Markið var fyrsta deildarmark Loga fyrir Samsunspor og annað markið hans á tímabilinu. Hann var keyptur til félagsins síðasta sumar frá Strömsgodset.
Á annarri mínútu uppbótartíma kom fyrirgjöf frá hægri og út á Loga sem stóð á vítateigslínunni úti vinsta megin. Hann tók boltann á kassann áður en hann skoraði með góðu skoti í fjærhornið og tryggði Samsunspor sigurinn. Markið má sjá í spilaranum neðst.
Samsunspor er í 7. sæti með 35 stig, fjórtán stigum frá Evrópusæti.
Á annarri mínútu uppbótartíma kom fyrirgjöf frá hægri og út á Loga sem stóð á vítateigslínunni úti vinsta megin. Hann tók boltann á kassann áður en hann skoraði með góðu skoti í fjærhornið og tryggði Samsunspor sigurinn. Markið má sjá í spilaranum neðst.
Samsunspor er í 7. sæti með 35 stig, fjórtán stigum frá Evrópusæti.
Vinstri bakvörðurinn fékk 7,9 í einkunn hjá Fotmob og er í úrvalsliði vikunnar. Hann var í liði vikunnar hjá beINSPORT í siðustu viku þegar hann lagði upp mark gegn Fenerbahce. Þetta var í fjórða sinn sem hann er í úrvalsliði Fotmob á tímabilinu.
Logi verður að öllum líkindum í landsliðshópnum sem Arnar Gunnlaugsson mun opinbera á miðvikudag fyrir vináttuleiki gegn Kanada og Haítí.
Athugasemdir
