Miðjumaðurinn sókndjarfi Arnór Sigurðsson var ekki með á æfingu hjá Malmö í dag og gæti því misst af næsta leik liðsins.
Arnór er nýlega búinn að semja við Malmö og fór vel af stað með sænska stórveldinu. Hann er kominn með eitt mark í þremur leikjum en gæti misst af heimaleik gegn Sirius í sænsku deildinni á morgun.
Fotbollskanalen greinir frá þessu og tekur einnig fram að ástæðan fyrir fjarveru Arnórs er óþekkt. Ekki er ljóst hvort um meiðsli sé að ræða og þá hversu alvarleg.
Arnór gæti því verið búinn að bætast við nokkuð langan meiðslalista Malmö sem inniheldur Johan Dahlin, Anton Tinnerholm, Stefano Vecchia, Gentian Lajqi og William Åkesson.
Athugasemdir
