Hvernig mun lið Víkings líta út eftir komu Gylfa?

Koma Gylfa mun styrkja Víkingsliðið til muna en liðið getur teflt fram ansi sterku byrjunarliði með hann innanborðs.

Þetta er fyrsta útgáfan af liðinu sem Víkingar gætu teflt fram; 4-3-3 með Gylfa inn á miðsvæðinu ásamt Pablo Punyed og Aroni Elís Þrándarsyni. Þetta er miðja sem væri erfitt að komast fram hjá.



Víkingar stilltu þá nokkrum sinnum upp í 4-4-2 síðasta sumar en það er kerfi sem Gylfi þekkir vel úr landsliðinu.



Svo eru fleiri möguleikar í boði. Þrátt fyrir að hafa misst Gísla Gottskálk Þórðarson og Danijel Dejan Djuric, þá er breiddin gríðarleg hjá Víkingum fyrir framhaldið, og sérstaklega með komu Gylfa. Þeir gætu stillt upp í mjög áhugavert lið í þriggja manna vörn eins og sjá má hér fyrir neðan.



Þetta eru svo sannarlega áhugaverð skipti og ein þau stærstu í sögu íslenska fótboltans.