Lið vikunnar í enska - Þessir tóku á flug strax í byrjun nýs tímabils

Markvörður: Nick Pope (Newcastle) - Átti flottar vörslur og var gríðarlega traustur þegar Newcastle náði að landa 1-0 sigri gegn Southampton tíu gegn ellefu.

Varnarmaður: Trent Alexander-Arnold (Liverpool) - Fann sig ekki á EM en leið mjög vel í bakverðinum hjá Liverpool sem vann 2-0 sigur gegn Ipswich. Frábær sending í aðdraganda fyrra marksins.

Varnarmaður: Harry Maguire (Manchester United) - Var sannur stríðsmaður í sigri United gegn Fulham.

Varnarmaður: Ruben Dias (Manchester City) - Átti frábæran leik þegar meistararnir unnu 2-0 sigur gegn Chelsea.

Varnarmaður: Dan Burn (Newcastle) - Fær ekki það hrós sem hann á skilið. Var eins og skrímsli í vörn Newcastle sem tókst að landa sigri gegn Southampton.

Miðjumaður: Mateo Kovacic (Manchester City) - Skoraði gegn Chelsea og var auk þess afskaplega góður í leiknum.

Miðjumaður: Amadou Onana (Aston Villa) - Belginn skoraði í sínum fyrsta leik fyrir nýju vinnuveitendurna.

Miðjumaður: Kaoru Mitoma (Brighton) - Var langbestur á vellinum í 3-0 sigri Brighton gegn Everton. Skoraði fyrsta mark leiksins.

Sóknarmaður: Bukayo Saka (Arsenal) - Skoraði og átti fullkomna stoðsendingu þegar Arsenal vann Wolves 2-0.

Sóknarmaður: Kai Havertz (Arsenal) - Það er mikil pressa á Havertz en hann skoraði og lék afskaplega vel í fyrsta leik.

Sóknarmaður: Mohamed Salah (Liverpool) - Stoðsending og mark frá þessum magnaða leikmanni sem er vanur því að hefja nýtt tímabil með því að skora.

Stjóri: Eddie Howe (Newcastle) - Stýrði tíu mönnum Newcastle til sigurs gegn Southampton.