Fótbolti.net

fös 21. janúar 2022 19:15

Sæbjörn Þór Þórbergsson Steinke

Janus Daði spáir í 23. umferð ensku úrvalsdeildarinnar

Hafliði Breiðfjörð er í Búdapest og myndar íslenska liðið fyrir Handbolti.is.

Mynd: Fótbolti.net - Hafliði Breiðfjörð

Janus í leiknum gegn Danmörku í gær.

Mynd: Fótbolti.net - Hafliði Breiðfjörð

Ástríða

Mynd: Fótbolti.net - Hafliði Breiðfjörð

Kemur Lingard við sögu?

Mynd: EPA

Sádarnir að fara rífa í gikkinn?

Mynd: EPA

23. umferð ensku úrvalsdeildarinnar hefst í kvöld með botnbaráttuslag Watford og Norwich. Umferðinni lýkur svo með nágrannaslag Chelsea og Tottenham.

Janus Daði Smárason spáir í leiki helgarinnar. Janus tekur þessa stundina þátt í lokakeppni EM í handbolta í Ungverjalandi. Janus er í lykilhlutverki í íslenska liðinu sem var ósigrað fyrir leikinn gegn Danmörku í gær.

Janus er uppalinn á Selfossi og lék einnig með Haukum áður en hann hélt í atvinnumennsku. Hann lék með Álaborg fyrstu árin í mennskunni áður en hann samdi við Göppingen í Þýskalandi þar sem hann spilar núna. Hann mun svo spila með Kolstad í Noregi á næsta tímabili.

Bjarki Már Elísson spáði í leiki síðustu umferðar og var með heilan einn leik réttan af þeim átta sem fóru fram, tveimur var frestað vegna Covid.

Svona spáir Janus leikjum helgarinnar:

Watford 2-0 Norwich
Ekki beint föstudagspartýið sem manni dreymir um. Þessi lið hafa samtals unnið einn leik af seinustu 16, en þar sem Norwich getur ekki keypt sér mark verður þetta þægilegur 2-0 sigur Warford. Má samt til með að nefna það að ég er mjög hrifinn af merkjum þessara liða.

Everton 1-3 Aston Villa
Everton hefur verið eitt allra lélegasta lið deildarinnar undanfarið og einn sigur í seinustu 13 sannar það ágætlega. Þeir komast samt snemma yfir á móti Villa og syngja níðsöngva um Steven Gerrard næstu mínútur, en verður svo fljótlega kippt niður á jörðina af Coutinho og félögum.

Brentford 1-1 Wolves
Úlfarnir eru á góðu skriði en Thomas Frank nær að kreista út gott stig á heimavelli.

Leeds 3-1 Newcastle
Ríkasta félag heims þarf sárlega á stigum að halda ef þeir ætla að vera með í deild þeirra bestu á næsta tímabili. Þeir fá þó engin stig á laugardaginn og Sádarnir fara alvarlega að íhuga að henda Eddie Howe snemma undir rútuna.

Manchester United 2-0 West Ham
Mínir menn í United hrifsa fjórða sætið af lærisveinum Moyes með magnaðri Gegenpressen, þurfum svo sem ekki að hafa fleiri orð um það. Lingard kemur inn á og klárar þetta.

Southampton 1-5 Manchester City
Það er ekkert launungarmál að City er besta lið deildarinnar. Þeir töpuðu seinast deildarleik í lok október á seinasta ári og það breytist ekki á laugardaginn.

Arsenal 1-0 Burnley
Því miður fyrir Jóa Berg og félaga verður þetta fyrsti sigurleikur Arsenal á árinu.

Crystal Palace 1-2 Liverpool
Sadio Mané og Mohamed Salah eru á AFCON, en það eru þeir Wilfried Zaha, Cheikhou Kouyaté og Jordan Ayew líka. Liverpool er að vakna til lífsins eftir erfiða jóla- og áramótatörn og ná í mikilvægan útisigur.

Leicester 2-2 Brighton
Brendan Rodgers og félagar eru enn að jafna sig eftir ótrúlegt tap gegn Tottenham í miðri viku þar sem liðið var yfir þegar tíu sekúndur voru eftir af uppbótartímanum. Þeir snúa þessu hins vegar við á sunnudaginn og skora jöfnunarmark á lokamínútunum.

Chelsea 0-2 Spurs
Antonio Conte fékk tækifæri til að sýna sig gegn sínu gamla félagi í enska deildarbikarnum fyrr í mánuðinum en var hent úr keppni. Hans menn mæta þó í sigurvímu á sunnudaginn eftir sigurinn gegn Leicester og bæta ofan á vandræði Chelsea-manna.

Fyrri spámenn:
Hörður Björgvin - 6 réttir
Sveindís Jane - 6 réttir
Aron Þrándar - 5 réttir
Siffi G - 5 réttir
Davíð Snær - 5 réttir
Benni Gumm - 5 réttir
Mist Edvards - 5 réttir
Karitas - 5 réttir
Jeppkall - 4 réttir
Ísak Bergman - 4 réttir
Albert Brynjar - 4 réttir
DigiticalCuz - 4 réttir
Sammi - 4 réttir
Áslaug Munda - 3 réttir
Elías Már - 3 réttir
Orri Steinn - 3 réttir
Davíð Atla - 2 réttir
Bjarki Már - 1 réttur

		L	U	J	T	ms:	mf:	mun	Stig
1	Arsenal	28	17	8	3	53	21	+32	59
2	Man City	27	17	5	5	56	25	+31	56
3	Aston Villa	27	15	6	6	38	28	+10	51
4	Chelsea	27	12	9	6	48	31	+17	45
5	Man Utd	26	12	9	5	47	37	+10	45
6	Liverpool	27	13	6	8	42	35	+7	45
7	Brentford	27	12	4	11	40	37	+3	40
8	Bournemouth	27	9	11	7	43	45	-2	38
9	Everton	26	10	7	9	29	30	-1	37
10	Fulham	27	11	4	12	38	41	-3	37
11	Newcastle	27	10	6	11	38	39	-1	36
12	Sunderland	27	9	9	9	28	33	-5	36
13	Crystal Palace	27	9	8	10	29	32	-3	35
14	Brighton	27	8	10	9	36	34	+2	34
15	Leeds	27	7	10	10	37	46	-9	31
16	Tottenham	27	7	9	11	37	38	-1	30
17	Nott. Forest	27	7	6	14	25	39	-14	27
18	West Ham	27	6	7	14	32	49	-17	25
19	Burnley	27	4	7	16	29	52	-23	19
20	Wolves	28	1	7	20	18	51	-33	10