Byrjunarlið U21: Logi Hrafn fyrirliði - Fyrsti leikur Hauks Andra

Klukkan 13:00 mætir íslenska U21 landslið karla liði Ungverjalands í æfingaleik á Pinatar Arena á Spáni.

Leikurinn er í beinni útsendingu á síðu KSÍ í Sjónvarpi Símans og verður Fótbolti.net með uppfærslur af gangi mála á Instagram.

Þjálfarinn Ólafur Ingi Skúlason er búinn að velja byrjunarlið sitt fyrir leikinn. Haukur Andri Haraldsson spilar í dag sinn fyrsta U21 landsleik en hann er Skagamaður sem fæddur er árið 2005. Halldór Snær, Jóhannes Kristinn, Helgi Fróði og Ágúst Orri hafa spilað einn leik og aðrir fleiri. Logi Hrafn er leikjahæstur í hópnum og er hann fyrirliði liðsins.