Jules Kounde, miðvörður Sevilla, er undir smásjá bæði Chelsea og Barcelona. Sevilla er í æfingabúðum í Portúgal fyrir komandi tímabil á Spáni.
Kounde er hins vegar ekki með í ferðinni og segir Sky Sports frá því að það sé vegna viðræðna hans við Chelsea.
Kounde er hins vegar ekki með í ferðinni og segir Sky Sports frá því að það sé vegna viðræðna hans við Chelsea.
Chelsea vill fá annan miðvörð í sínar raðir. Kalidou Koulibaly er mættur en fyrr í sumar fóru þeir Antonio Rudiger og Andreas Christensen.
Chelsea er sagt hafa náð munnlegu samkomulagi við Kounde í síðasta mánuði en viðræður eru í gangi um kaupverð.
Kounde er 23 ára miðvörður sem fyrst var orðaður við Chelsea í fyrra. Hann er franskur landsliðsmaður, á að baki ellefu leiki fyrir A-landsliðið.
Sjá einnig:
Sevilla hafnaði 55 milljónum frá Chelsea
Athugasemdir
