Marciano Aziz.
Marciano Aziz yfirgaf HK núna á dögunum eftir mikla vonbrigðadvöl hjá félaginu.
Aziz vakti mikla athygli með Aftureldingu í Lengjudeildinni sumarið 2022 og færði svo yfir í Bestu-deildina til HK.
Aziz vakti mikla athygli með Aftureldingu í Lengjudeildinni sumarið 2022 og færði svo yfir í Bestu-deildina til HK.
Hann spilaði 39 leiki fyrir HK og skoraði í þeim fimm mörk, en frammistaða hans hjá félaginu vakti ekki mikla lukku.
Ómar Ingi Guðmundsson, þjálfari HK, var spurður út í brotthvarf Aziz eftir jafntefli HK gegn Vestra um liðna helgi.
„Hann var að renna út á samningi í haust og hefur ekki verið í liðinu. Þetta var besta niðurstaðan fyrir alla; fyrir hann að komast heim fyrst hann er ekki að spila og fyrir okkur að búa til pláss í leikmannahópnum," sagði Ómar en HK er að skoða að styrkja leikmannahóp sinn núna í júlí.
„Við skoðum markaðinn í heild. Ég er ekki rosalega bjartsýnn að það verði mikið um hreyfingar hér innanlands. Við þurfum sennilega að skoða erlendis og maður þarf að vanda til verka þar. Við sjáum hvað við gerum."
