Marciano Aziz.
Marciano Aziz spilaði rúmar tíu mínútur í gær þegar HK tapaði 3-1 fyrir Fylki í Bestu deildinni.
Fyrir leikinn í Árbænum í gærkvöldi hafði hann verið ónotaður varamaður í þremur leikjum í röð. Það eru engin meiðsli að hrjá hann en Ómar Ingi Guðmundsson, þjálfari HK, var spurður út í stöðuna á Aziz eftir leikinn gegn Fylkismönnum.
Fyrir leikinn í Árbænum í gærkvöldi hafði hann verið ónotaður varamaður í þremur leikjum í röð. Það eru engin meiðsli að hrjá hann en Ómar Ingi Guðmundsson, þjálfari HK, var spurður út í stöðuna á Aziz eftir leikinn gegn Fylkismönnum.
„Þeir sem hafa verið að spila í hans stöðu hafa bara spilað betur," sagði Ómar Ingi.
„Það er með hann eins og alla aðra sem hafa spilað lítið eða spilað ekki; þeir eru þá bara undir í samkeppninni um sína leikstöðu í augnablikinu."
Ómar var spurður að því hvort það væri möguleiki að Aziz muni yfirgefa HK í sumarglugganum.
„Ekki svo ég viti. Það er mjög langt í sumargluggann. Það hefur ekkert komið til umræðu hjá okkur."
Miklar væntingar voru gerðar til Aziz þegar hann kom fyrir síðasta tímabil. Hann hafði leikið vel með Aftureldingu í Lengjudeildinni en hefur alls ekki fundið sig með HK-ingum.
Athugasemdir
