Alfons og Willum eiga samtals 41 landsleik að baki fyrir Ísland.
Hollenska félagið Go Ahead Eagles er að krækja í Alfons Sampsted hægri bakvörð úr röðum Birmingham City.
Birmingham bauð hollenska félaginu að fá einnig Willum Þór Willumsson til liðs við sig, sem var lykilmaður fyrir G.A. Eagles áður en hann var keyptur til Birmingham sumarið 2024.
Hollenska félagið hafnaði hins vegar því tækifæri og var Jan Willem van Dop stjórnandi hjá Eagles spurður út í málið.
„Þegar ég var í viðræðum við kollega minn hjá Birmingham bauð hann mér líka Willum (Þór Willumsson) en við erum ekki með pláss fyrir hann í hópnum að sinni. Hann er frábær leikmaður en það er ekki alltaf nóg til þess að ná árangri í sterkri deild eins og Championship," sagði Van Dop.
Willum var lykilmaður á sínu fyrsta tímabili með Birmingham en hefur ekki tekist að seta mark sitt á Championship deildina.
„Eins og staðan er í dag þá held ég að hann sé ekki alveg í topp standi líkamlega séð og það breytir mjög miklu fyrir hans tegund af leikmanni."
Willum hefur aðeins komið við sögu í 12 leikjum með Birmingham á yfirstandandi tímabili, eftir að hafa skorað 7 mörk og gefið 9 stoðsendingar í 48 leikjum á síðustu leiktíð.
"Kunnen we niet praten over Willum Willumsson?"
— Oost Sport (@oost_sport) January 22, 2026
Alfons Sampsted is op weg naar Go Ahead Eagles. Maar toen directeur Jan Willem van Dop contact had met Birmingham City, kreeg hij een opmerkelijke vraag van de directeur van de Engelse club: #uel #willumsson #nicgae #vandop… pic.twitter.com/4KBtTns4YC
Athugasemdir
