Samy Mahour
Alsírski sóknartengiliðurinn Samy Mahour er á reynslu hjá Víkingi sem spilar nú æfingaleik við Keflavík í Víkinni.
Samy er 21 árs gamall og á að baki 6 landsleiki og eitt mark með U20 ára landsliði Alsír.
Hann er uppalinn í Frakklandi og spilaði síðast með Paris FC, en var einnig á mála hjá belgíska félaginu Gent.
Þessi fransk-alsírski leikmaður er þessa dagana á reynslu hjá Víkingi í Bestu deildinni og var settur í byrjunarliðið gegn Keflavík en liðin eigast við í æfingaleik á Víkingsvelli.
Samy var einn af nokkrum ungum og upprennandi fótboltamönnum sem komu fram í frönsku heimildarþáttunum Dream Chaser en þar er skyggnst inn í líf þeirra er þeirra reyna af allra bestu getu að vinna sér inn atvinnumannasamning.
Eftir að hafa farið tvisvar á reynslu hjá Gent fékk hann loks samning þar sem hann eyddi tveimur árum áður en hann hélt aftur til Frakklands. Heimildarþáttinn má sjá hér fyrir neðan.
Sterkt byrjunarlið í dag og ekki er bekkurinn síðri. Sjáumst kl. 13:00 í Hamingjunni en ef þú kemst ekki þá dregur VíkingurTV þig í land hér : https://t.co/PsFVt7BYBZ pic.twitter.com/FqpIObx3Tr
— Víkingur (@vikingurfc) March 23, 2025
Athugasemdir
