Það fóru tveir leikir fram í þýska boltanum í dag þar sem Bayer Leverkusen vann þægilegan sigur gegn nýliðum Heidenheim áður en Eintracht Frankfurt og og Freiburg skildu jöfn.
Leverkusen tók forystuna snemma á heimavelli með marki frá hinum funheita Victor Boniface eftir stoðsendingu frá Exequiel Palacios.
Lærisveinar Xabi Alonso voru talsvert sterkari aðilinn og voru afar óheppnir að tvöfalda ekki forystuna fyrir leikhlé. Það voru hins vegar gestirnir úr Heidenheim sem skoruðu gegn gangi leiksins í síðari hálfleik, með einu marktilraun sinni úr leiknum.
Eren Dinkci jafnaði á 58. mínútu en gestirnir voru ekki lengi í paradís því Jonas Hofmann kom heimamönnum í Leverkusen yfir á nýjan leik fimm mínútum síðar.
Boniface tvöfaldaði forystuna með marki úr vítaspyrnu áður en Amine Adli gerði endanlega út um viðureignina á 82. mínútu og niðurstaðan verðskuldaður sigur Leverkusen sem hefur farið feykilega vel af stað á nýju tímabili. Leverkusen deilir toppsætinu með Bayern, þar sem bæði lið eiga 13 stig eftir 5 umferðir.
Staðan var þá markalaus í Frankfurt þar sem heimamenn í Eintracht tóku á móti Freiburg í spennandi slag.
Niðurstaðan varð nokkuð jafn slagur þar sem heimamenn voru með undirtökin en tókst ekki að nýta færin sín nægilega vel.
Lokatölur urðu 0-0 og eru bæði lið með sjö stig eftir fimm fyrstu umferðir tímabilsins.
Bayer Leverkusen 4 - 1 Heidenheim
1-0 Victor Boniface ('9 )
1-1 Eren Dinkci ('58 )
2-1 Jonas Hofmann ('63 )
3-1 Victor Boniface ('74 , víti)
4-1 Amine Adli ('82 )
Eintracht Frankfurt 0 - 0 Freiburg
Þýskaland
Bundesliga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Bayern | 34 | 28 | 5 | 1 | 122 | 36 | +86 | 89 |
| 2 | Dortmund | 34 | 22 | 7 | 5 | 70 | 34 | +36 | 73 |
| 3 | RB Leipzig | 34 | 20 | 5 | 9 | 66 | 47 | +19 | 65 |
| 4 | Stuttgart | 34 | 18 | 8 | 8 | 71 | 49 | +22 | 62 |
| 5 | Hoffenheim | 34 | 18 | 7 | 9 | 65 | 52 | +13 | 61 |
| 6 | Leverkusen | 34 | 17 | 8 | 9 | 68 | 47 | +21 | 59 |
| 7 | Freiburg | 34 | 13 | 8 | 13 | 51 | 57 | -6 | 47 |
| 8 | Frankfurt | 34 | 11 | 11 | 12 | 61 | 65 | -4 | 44 |
| 9 | Augsburg | 34 | 12 | 7 | 15 | 45 | 61 | -16 | 43 |
| 10 | Mainz | 34 | 10 | 10 | 14 | 44 | 53 | -9 | 40 |
| 11 | Union Berlin | 34 | 10 | 9 | 15 | 44 | 58 | -14 | 39 |
| 12 | Gladbach | 34 | 9 | 11 | 14 | 42 | 53 | -11 | 38 |
| 13 | Hamburger | 34 | 9 | 11 | 14 | 40 | 54 | -14 | 38 |
| 14 | Köln | 34 | 7 | 11 | 16 | 49 | 63 | -14 | 32 |
| 15 | Werder | 34 | 8 | 8 | 18 | 37 | 60 | -23 | 32 |
| 16 | Wolfsburg | 34 | 7 | 8 | 19 | 45 | 69 | -24 | 29 |
| 17 | Heidenheim | 34 | 6 | 8 | 20 | 41 | 72 | -31 | 26 |
| 18 | St. Pauli | 34 | 6 | 8 | 20 | 29 | 60 | -31 | 26 |
