KA 3 - 0 Þór
1-0 Ásgeir Sigurgeirsson ('26)
2-0 Hallgrímur Mar Steingrímsson ('28)
3-0 Hrannar Björn Steingrímsson ('69)
Rautt spjald: Ragnar Óli Ragnarsson, Þór ('85)
Lestu um leikinn: KA 3 - 0 Þór
KA tryggði sér í kvöld sinn sjötta Kjarnafæðistitil í röð eftir þægilegan 3-0 sigur á Þór í úrslitaleiknum. Þetta er annað árið í röð sem KA vinnur úrslitaleikinn 3-0.
KA er eini þátttakandi Kjarnafæðismótsins sem leikur í efstu deild og sást það skýrt og greinilega á mótinu í ár.
Ásgeir Sigurgeirsson og Hallgrímur Mar Steingrímsson skoruðu mörk KA í fyrri hálfleik áður en Hrannar Björn Steingrímsson gerði út um viðureignina í síðari hálfleik.
Ásgeir skoraði eftir slæm mistök í varnarleik Þórsara áður en Hallgrímur Mar skoraði laglegt mark beint úr aukaspyrnu.
Ragnar Óli Ragnarsson fékk rautt spjald í liði Þórs undir lokin en það gerði lítið til.
