Tveir ungir semja við Stjörnuna

Guðmundur er 18 ára gamall varnarmaður og uppalinn Stjörnumaður, en hann var að skrifa undir sinn fyrsta samning við félagið.

Á síðasta tímabili spilaði hann með KFG, venslafélagi Stjörnunnar, í 2. deildinni og spilaði þar 16 leiki. Þá lék hann fjóra leiki í Fótbolta.net bikarnum er liðið kom sér alla leið í úrslit.

Þá hefur markvörðurinn ungi og efnilegi, Magnús Kjartansson, skrifað undir nýjan samning.

Magnús er 19 ára gamall og lék sömuleiðis með KFG í sumar, þar sem hann spilaði 8 leiki í deild.