28.10.24 - 15:34
Elvar Geir Magnússon
Nýr formaður Vals staðfestir að Túfa verði áfram
Srdjan Tufegdzic, Túfa.
Mynd: Fótbolti.net - Hafliði Breiðfjörð
Srdjan Tufegdzic, Túfa.
Mynd: Fótbolti.net - Hafliði Breiðfjörð
Srdjan Tufegdzic, Túfa, verður áfram þjálfari Vals í Bestu deild karla en nýr formaður knattspyrnudeildar félagsins, Björn Steinar Jónsson, staðfesti þetta í samtali við Vísi.
„Ég verð áfram með liðið, það er klárt mál.“ sagði Túfa sjálfur eftir að Valur innsiglaði Evrópusæti með því að vinna ÍA örugglega 6-1 á laugardag.
„Ég verð áfram með liðið, það er klárt mál.“ sagði Túfa sjálfur eftir að Valur innsiglaði Evrópusæti með því að vinna ÍA örugglega 6-1 á laugardag.
TENGT EFNI
Rúnar Kristins ekki á förum frá Fram og Túfa segir klárt að hann verði áfram með Val
Vangaveltur hafa verið í gangi um möguleg þjálfaraskipti á Hlíðarenda en Valur var í brasi í sumar og stigasöfnun gekk ekki að óskum eftir að Túfa tók við af Arnari Grétarssyni sem var rekinn í sumar.
Björn Steinar, sem var kjörinn nýr formaður á dögunum, segir að Túfa, sem skrifaði undir þriggja ára samning á Hlíðarenda í ágúst, fái áframhaldandi traust til þess að leiða liðið áfram.
Björn Steinar, sem var kjörinn nýr formaður á dögunum, segir að Túfa, sem skrifaði undir þriggja ára samning á Hlíðarenda í ágúst, fái áframhaldandi traust til þess að leiða liðið áfram.
Heimild: Vísir
