Orðaður við NSÍ.
Siggi Raggi tók við sem þjálfari NSÍ í vetur.
Lék frábærlega með Keflavík tímabilið 2022.
Í hlaðvarpsþættinum Dr. Football í dag var Adam Ægir Pálsson orðaður við NSÍ Runavík í Færeyjum.
Sigurður Ragnar Eyjólfsson tók við sem þjálfari NSÍ fyrir um tveimur mánuðum síðar og var í þættinum sagður áhugasamur um að fá Adam til félagsins.
Adam lék virkilega vel undir stjórn Sigga Ragga hjá Keflavík tímabilið 2022, skoraði sjö mörk og lagði upp fjórtán í Bestu deildinni. Hann var þá á láni hjá Keflavík frá Víkingi og var í kjölfarið keyptur til Vals.
„Siggi Raggi vill fá hann til NSÍ, besta tímabil Adams var undir stjórn Sigga Ragga, hann varð stoðsendingahæstur í deildinni. Ef einhver kann á Adam Ægi, þá er það Siggi Raggi," segir Albert Brynjar Ingason í Dr. Football.
Sigurður Ragnar Eyjólfsson tók við sem þjálfari NSÍ fyrir um tveimur mánuðum síðar og var í þættinum sagður áhugasamur um að fá Adam til félagsins.
Adam lék virkilega vel undir stjórn Sigga Ragga hjá Keflavík tímabilið 2022, skoraði sjö mörk og lagði upp fjórtán í Bestu deildinni. Hann var þá á láni hjá Keflavík frá Víkingi og var í kjölfarið keyptur til Vals.
„Siggi Raggi vill fá hann til NSÍ, besta tímabil Adams var undir stjórn Sigga Ragga, hann varð stoðsendingahæstur í deildinni. Ef einhver kann á Adam Ægi, þá er það Siggi Raggi," segir Albert Brynjar Ingason í Dr. Football.
Samkvæmt heimildum Fótbolta.net hefur ekkert tilboð borist til Vals í Adam Ægi. Fótbolti.net hafði samband við Sigga Ragga og var hann spurður út í Adam Ægi.
„Adam Ægir er flottur leikmaður og ég hefði ekkert á móti því að fá hann til NSÍ, hann myndi styrkja liðið okkar en hann er ekki á leiðinni til okkar," segir Siggi Raggi.
Adam Ægir er 27 ára kantmaður sem byrjaði sjö leiki með Val í Bestu deildinni í fyrra. Hann skoraði tvö mörk og lagði upp tvö og kom alls við sögu í 24 leikjum.
Adam ræddi um Sigga Ragga í ítarlegu viðtali við Fótbolta.net fyrir tímabilið 2023.
„Eftir þann tíma kemur Siggi Raggi inn í þjálfarateymið hjá Keflavík. Ég var búinn að hitta hann á þeim tíma þar sem mér leið sem verst. Pabbi var að selja húsið hans Sigga eða þeir voru í einhverju sambandi. Pabbi bauð mér að hitta hann því hann er líka lærður sálfræðingur. Ég fór og hitti hann, og við ræddum málin. Hann hjálpaði mér mjög mikið með því að líta inn á við í staðinn fyrir að horfa á einhverja aðra."
„Ári seinna tekur hann við Keflavík. Ég fann það á fyrstu æfingunum að hann hafði mikla trú á mér. Hann lagði mikið traust á mig og var ég mjög þakklátur fyrir það. Ég steig stór skref við það. Ég og Siggi Raggi eigum frábært samband, hann er nánast eins og pabbi minn. Það endaði þannig að ég skoraði fjögur og lagði upp fjögur áður en ég er seldur í Víking. Ég er ævinlega þakklátur fyrir Sigga Ragga. Hann hjálpaði mér í að bæta sjálfstraustið og mér leið vel hjá honum. Þá spilaði ég vel í leiðinni," sagði Adam í viðtalinu og talaði meira um Sigga Ragga seinna í viðtalinu.
„Ég hefði örugglega getað betur ef ég hefði farið fyrr (frá Víkingi í Keflavík). Ég kem tveimur dögum fyrir tímabil og byrja illa fannst mér. Það gekk ekki nógu vel. Svo var ég dottinn aðeins í gang og liðið spilaði sig betur saman. Þá gekk þetta eins og í sögu."
„Þetta er það sem traust þjálfarans getur gefið manni. Fyrstu sjö leikina var ég ekkert spes og átti mjög lélega leiki en samt hafði Siggi Raggi mikla trú á mér. Ég veit að það voru einhverjir sem vildu mig út úr liðinu en hann sagði að það kæmi ekki til greina. Traustið skilaði sér. Ég er ógeðslega þakklátur fyrir hann, ég get ekki lýst því hversu þakklátur ég er fyrir hann. Það nær engri átt."
Athugasemdir
