Fulltrúar ÍBV og Víkings R. ráða ríkjum í úrvalsliði 7. umferðar Pepsi-deildarinnar. Eyjamenn unnu góðan 3-1 sigur gegn KR á meðan Víkingar fóru í Garðabæinn og lögðu Stjörnuna.
Kristján Guðmundsson, þjálfari ÍBV, er valinn þjálfari umferðarinnar.
Kristján Guðmundsson, þjálfari ÍBV, er valinn þjálfari umferðarinnar.
Þá eiga Eyjamenn þrjá leikmenn í úrvalsliðinu; Matt Garner, Pablo Punyed og Sindri Snær Magnússon en sá síðastnefndi skoraði tvö mörk.
Alex Freyr Hilmarsson var valinn maður leiksins í Garðabænum og er einn af fjórum Víkingum í úrvalsliðinu. Leikmenn aftarlega á vellinum voru í aðalhlutverki í þessari umferð en við látum Ívar Örn Jónsson spila á kantinum í þessu úrvalsliði. Erlingur Agnarsson lagði upp sigurmark Víkinga og er í liðinu rétt eins og Vladimir Tufegdzic.
Ingvar Kale er í rammanum en hann var valinn maður leiksins í markalausu jafntefli ÍA gegn KA á Akureyri.
Tomasz Luba átti frábæran leik í vörn Víkings Ólafsvík þegar liðið gerði 1-1 jafntefli gegn Fjölnismönnum í Grafarvogi og Matthías Örn Friðriksson varnarmaður Grindavíkur var valinn maður leiksins í 1-1 jafntefli gegn FH.
Þá er Bjarni Ólafur Eiríksson í úrvalsliðinu eftir að hafa skorað flautusigurmark þegar Valsmenn unnu Breiðablik í Kópavoginum,
Sjá einnig:
Lið 6. umferðar
Lið 5. umferðar
Lið 4. umferðar
Lið 3. umferðar
Lið 2. umferðar
Lið 1. umferðar
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir