Víkingur Ólafsvík á flesta fulltrúa í úrvalsliði 8. umferðar Pepsi-deildarinnar, fjóra fulltrúa eftir 2-1 sigur liðsins gegn Stjörnunni. Úrslit sem fáir bjuggust við.
Einn af fjórmenningunum er þjálfarinn Ejub Purisevic sem er þjálfari umferðarinnar eftir þennan öfluga sigur.
Einn af fjórmenningunum er þjálfarinn Ejub Purisevic sem er þjálfari umferðarinnar eftir þennan öfluga sigur.
Í markinu er Cristian Martínez, Nacho Heras er í vörninni og í sóknarlínunni er Þorsteinn Már Ragnarsson sem lagði upp bæði mörk Ólsara og var óhemju duglegur.
Valsmenn tróna á toppi deildarinnar og unnu 1-0 sigur gegn KA. Haukur Páll Sigurðsson var valinn maður leiksins og þá átti Eiður Aron Sigurbjörnsson flottan leik í hjarta varnarinnar. Eiður að spila sinn fyrsta byrjunarliðsleik fyrir Val í Pepsi-deildinni.
Grindvíkingar unnu sannfærandi sigur á ÍBV og eru í öðru sæti. Andri Rúnar Bjarnason heldur áfram að vera magnaður. Hann skoraði tvö mörk og lagði eitt upp. Þá átti Sam Hewson frábæran leik á miðjunni.
Davíð Kristján Ólafsson í Breiðabliki var valinn maður leiksins í 1-1 jafnteflinu gegn KR.
Í Hafnarfirði gerðu FH og Víkingur R. 2-2 jafntefli. Arnþór Ingi Kristinsson er fulltrúi Víkinga en Steven Lennon var bestur FH-inga og er valinn í úrvalsliðið í þriðja sinn í sumar.
Þá vann ÍA dramatískan sigur gegn Fjölni. Þórður Þorsteinn Þórðarson átti flottan leik fyrir Skagamenn og skoraði glæsilegt mark.
Sjá einnig:
Lið 7. umferðar
Lið 6. umferðar
Lið 5. umferðar
Lið 4. umferðar
Lið 3. umferðar
Lið 2. umferðar
Lið 1. umferðar
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir