Miklar deilur hafa átt sér stað á milli landsliðsstelpnanna og knattspyrnusambandsins síðan Evrópumótinu lauk. Þessar deilur snúast um kaup og kjör og að auki hefur gengið erfiðlega fyrir landsliðskonurnar að fá bónusgreiðslur.

Vonast var til þess að málið yrði leyst í gær, en eftir langar viðræður tókst það ekki. Pernille Harder, landsliðsfyrirliði, segir að það hafi munað gríðarlega litlu, en knattspyrnusambandið hafi verið í tímaþröng og það hafi því slitið viðræðunum.

Danmörk er að fara að spila sinn fyrsta leik í undankeppni HM, gegn Ungverjum á þriðjudaginn, en knattspyrnusambandið þarf að finna nýja leikmenn fyrir þann leik. Ef knattspyrnusambandið finnur ekki nýja leikmenn verður einhver önnur lausn að finnast.

Lestu nánar um málið á vef RÚV.