Roy Hodgson hefur staðfest að hann verður ekki stjóri Watford á næsta tímabili og býst fastlega við því að hætta í þjálfun eftir tímabilið.
Þessi 74 ára fyrrum landsliðsþjálfari Englands var í dag heiðraður í Buckingham höll fyrir störf sín í fótboltanum.
Þessi 74 ára fyrrum landsliðsþjálfari Englands var í dag heiðraður í Buckingham höll fyrir störf sín í fótboltanum.
Watford mætir Crystal Palace á laugardag en ef liðið vinnur ekki þá fellur það formlega niður í Championship-deildina. Það verður þá í fyrsta og eina sinn sem Hodgson fellur á þjálfaraferlinum.
„Ég hef notið tímans í þessu starfi. Þetta er mjög krefjandi heimur," segir Hodgson sem hefur meðal annars stýrt Inter, Blackburn, Fulham Liverpool, West Brom og Palace á stjóraferlinum.
Þá hefur hann verið landsliðsþjálfari Sviss, Arabísku furstadæmana og Finnlands.
Hann hætti sem stjóri Palace eftir síðasta tímabil en ákvað að skrifa undir hjá Watford þegar Claudio Ranieri var rekinn í janúar.
„Ég var hættur þegar ég ákvað að taka þetta starf. Nú tel ég að rétt sé að stíga til hliðar og njóta frítímans með eiginkonu minni og syni," segir Hodgson.
Athugasemdir