HK 1-1 Vestri
0-1 Eiður Atli Rúnarsson ('57, sjálfsmark)
1-1 Marciano Aziz ('90, víti)
Það var einn leikur í A deild Lengjubikarsins í kvöld þegar HK fékk Vestra í heimsókn í Kórinn. Staðan var markalaus í hálfleik en gestirnir komust yfir eftir tæplega klukkutíma leik.
Eiður Atli Rúnarsson átti þá sendingu í átt að eigin marki, Arnar Freyr Ólafsson í markinu gleymir sér og nær ekki að komast í boltann fyrr en hann er kominn yfir línuna.
Vestra liðið sótti lítið í leiknum og reyndi hvað þeir gátu að halda markinu hreinu en í uppbótartíma fékk HK vítaspyrnu þegar Ongun Deniz Yaldir reif Ívar Örn Jónsson niður í teignum.
Marciano Aziz skoraði úr vítinu en HK vildi fá vítaspyrnu fyrr í leiknum þegar brotið var á Tuma Þorvarðarsyni.
HK lék manni færri síðustu sekúndurnar þegar Örvar Eggertsson fékk sitt annað gula spjald.
