Robin Roefs varði allar þrjár vítaspyrnur Everton í vítakeppninni
Everton 1 - 1 Sunderland (0-3 eftir vítakeppni)
0-1 Enzo Le Fee ('30 )
1-1 James Garner ('89 , víti)
0-1 Enzo Le Fee ('30 )
1-1 James Garner ('89 , víti)
Sunderland er komið áfram í 4. umferð enska bikarsins eftir að hafa unnið Everton eftir vítakeppni á Hill Dickinson-leikvanginum í Liverpool-borg í dag.
Nýliðar úrvalsdeildarinnar í Sunderland komust yfir eftir hálftímaleik með frábæru marki Enzo Le Fee úr teignum eftir langt innkast frá Nordi Mukiele.
Undir lok leiksins fengu heimamenn í Everton vítaspyrnu er Adam Aznou var tekinn niður í teignum. James Garner skoraði úr spyrnunni og kom Everton í framlengingu.
Engin mörk komu í framlengingunni og því vítaspyrnukeppni en þar varði Robin Roefs, markvörður Sunderland, allar þrjár spyrnur Everton-manna og þá skoruðu Sunderland-menn úr öllum spyrnum sínum.
Vítakeppnin:
0-0 Roefs ver frá Garner
0-1 Enzo Le Fee
0-1 Roefs ver frá Barry
0-2 Granit Xhaka
0-2 Roefs ver frá Beto
0-3 Luke O'Nien
Athugasemdir
