Víkingar töpuðu sínum 4 leik í röð í Pepsideildinni nú í kvöld þegar Blikar kíktu í heimsókn í Fossvoginn. Leikurinn var þó frábær skemmtun og má segja að áhorfendur hafi fengið nóg fyrir peninginn en lokatölur urðu 2-3.
Lestu um leikinn: Víkingur R. 2 - 3 Breiðablik
„Mér fannst við byrja leikinn mjög vel og mér fannst við vera með góð tök á leiknum. Fyrri til að skora en á einhvern óskiljanlegan hátt fáum við á okkur tvö mörk, annað úr föstu leikatriði og hitt fyrir einhvern ótrúlegan misskilning.“
Sagði Logi Ólafsson um leik sinna manna í kvöld.
Töluverð batamerki voru þó á leik Víkinga frá síðustu leikjum og að mörgu leyti má segja að lukkan hafi ekki verið á þeirra bandi í dag.
„Það er gömul og góð klisja í þessu að taka það með sér sem vel er gert en við verðum hins vegar að átta okkur á því að ákvörðunartökur hjá okkur eins og hvernig við erum að nýta föst leikatriði sjálfir í seinni hálfleik er ekki nógu gott hjá okkur. “
Geoffrey Castillion sem kom að láni til sinna fyrrum félaga í Víkingi á dögunum eftir erfiða dvöl hjá FH virðist vera að færast nær sínu fyrra formi og átti góðan leik í dag.
„Þetta er þriðji leikurinn hans og hann hefur bara vaxið með hverjum leik og í þessu fáu skipti sem við settum upp hættu á móti Stjörnunni að þá var hann innvolveraður í það og það var sömu sögu að segja á móti Grindavík og í dag skorar hann og fær víti þannig að ég vona bara að hann haldi áfram á þessari braut. “
Sagði Logi Ólafsson en nánar er rætt við hann í spilaranum hér að ofan.
Athugasemdir