Á dögunum landaði FHL sér sæti í Bestu deild kvenna fyrir næstu leiktíð.

Í kjölfarið yfirgaf Emma Hawkins, langmarkahæsti leikmaður Lengjudeildarinnar, liðið og samdi við Damaiense í Portúgal, sem Þorlákur Árnason þjálfar.

Breiðablik nældi þá í liðsfélaga Hawkins hjá FHL, Samönthu Smith, á láni út tímabilið.

Smith skoraði 15 mörk í Lengjudeildinni í sumar og var næst markahæst á eftir Hawkins.

Breiðablik er einu stigi frá toppliði Vals og er þá komið í úrslitaleik Mjólkurbikarsins, en sá leikur fer fram á föstudag.