Gulli var svekktur.
Gunnlaugur Jónsson, þjálfari ÍA, var skiljanlega svekktur eftir 3-1 tap sinna manna gegn Breiðabliki í Pepsi-deildinni á Kópavogsvelli í kvöld.
Þrátt fyrir að Blikar hafi vaðið í færum og komist í 1-0 tókst Skagamönnum að jafna með frábæru marki frá Alberti Hafsteinssyni þegar einungis sjö mínútur voru eftir. Tvö mörk frá Jonathan Glenn til viðbótar við það fyrsta fullkomnuðu hins vegar sigur Blika.
Þrátt fyrir að Blikar hafi vaðið í færum og komist í 1-0 tókst Skagamönnum að jafna með frábæru marki frá Alberti Hafsteinssyni þegar einungis sjö mínútur voru eftir. Tvö mörk frá Jonathan Glenn til viðbótar við það fyrsta fullkomnuðu hins vegar sigur Blika.
Lestu um leikinn: Breiðablik 3 - 1 ÍA
„Þetta var djöfull svekkjandi að fá þetta í fésið á okkur, 2-1 undir lok leiksins. Ég var gríðarlega ánægður með hvernig við brugðumst við, við þurftum reyndar að lenda undir til að vakna dálítið til leiks. Við vorum gríðarlega hættulegir í lok leiksins og fram að þessu marki," sagði Gunnlaugur eftir leikinn.
„Vissulega fengu þeir mörg færi í fyrri hálfleik og við sluppum með skrekkinn að vera bara með 0-0 í hálfleik. En við áttum að halda þetta út og ná í það minnsta í jafntefli."
„Ég var ósáttur með hvernig við komum inn í seinni hálfleikinn, mér fannst vera sama slen í mönnum eins og í fyrri hálfleik. En við svöruðum því vel og skoruðum frábært mark og áttum að halda þetta út. Fannst við jafnvel mega stela þessu."
