Víkingar eru Meistarar Meistaranna eftir öflugan og öruggan 4-0 sigur á Vestra í Víkinni í dag. Leikur sem var aldrei í neinni hættu.
Lestu um leikinn: Víkingur R. 4 - 0 Vestri
„Finn leikur, góður fyrri hálfleiku, droppuðum aðeins í seinni en unnum 4-0 þannig við erum sáttir" sagði Valdimar Þór Ingimundarson leikmaður Víkinga eftir sigurinn í dag en Valdimar Þór skoraði einmitt þriðja mark Víkinga í dag.
Það voru ekki margir sem áttu von á því að Vestri myndi vera einhver fyrirstaða fyrir Víkinga í dag.
„Við bara undirbjuggum okkur eins og fyrir alla leiki en 4-0 á heimavelli og sigur er bara fínt fyrir mig"
Valdimar Þór átti frábæran sprett í fyrri hálfleiknum þar sem hann sveif í gegnum hvern leikmann Vestra á fætur öðrum áður en hann var svo tekinn niður af Ibrahima Balde sem hlaut að lokum gult spjald en það voru þó fleirri sem reyndu að sparka hann niður.
„Ég veit það ekki, mér finnst allt í lagi ef það eru þrír sem brjóta að það sé allt í lagi að gefa allavega tveim gult en ég hef annars litla skoðun á því"
Valdimar Þór fékk sjálfur að líta gula spjaldið seinna í leiknum þegar hann féll inn í teig þegar hann var sloppinn einn í gegn í baráttunni við Marvin Darra í marki Vestra. Dómari leiksins reif upp gula spjaldið á Valdimar Þór fyrir dýfu.
„Hann kemur ekkert við mig. Þetta var aldrei víti, ég snerti hann þarna og er að teygja mig í boltann og svo eiginlega læt ég mig bara detta en ég er samt ekkert að biðja um víti en ég skil hins vegar dómarann að gefa mér gult en mér fannst þetta samt smá eða jújú bara góður dómur" sagði Valdimar Þór Ingimundarson
Nánar er rætt við Valdimar Þór Ingimundarson í spilarnum hér fyrir ofan.
| Lið | L | U | J | T | Mörk | mun | Stig |
|---|
