Afturelding er komið áfram í 32-liða úrslit Mjólkurbikarsins eftir 3-2 sigur á ÍR í kvöld.
Afturelding náði þriggja marka forystu áður en ÍR skoraði síðan tvö mörk en Afturelding náði að sigla sigrinum heim. Hinn 41 árs gamli Birkir Már Sævarsson skrifaði óvænt undir samning við Aftureldingu á dögunum. Hann var í byrjunarliðinu í kvöld og lagði upp mark. Fótbolti.net ræddi við hann eftir leikinn.
Afturelding náði þriggja marka forystu áður en ÍR skoraði síðan tvö mörk en Afturelding náði að sigla sigrinum heim. Hinn 41 árs gamli Birkir Már Sævarsson skrifaði óvænt undir samning við Aftureldingu á dögunum. Hann var í byrjunarliðinu í kvöld og lagði upp mark. Fótbolti.net ræddi við hann eftir leikinn.
Lestu um leikinn: ÍR 2 - 3 Afturelding
„Þetta var góður sigur þótt hann hafi verið full tæpur í lokin. Flott að fá sigurinn, það er það eina sem skiptir máli í bikarnum," sagði Birkir Már.
Hann var tekinn af velli undir lok leiksins.
„Ég er búinn að reyna koma mér í stand fyrir leik og náði 80 mínútum. Það er vonandi í síðasta skipti sem ég næ ekki 90 mínútum," sagði Birkir Már.
Birkir Már talaði um hversu spennandi það er að spila með bróður Aroni Elí Sævarssyni og stefnir á að hjálpa liðinu að berjast um að komast aftur upp í deild þeirra bestu.
