Davíð Örvar Ólafsson
ÍR töpuðu 2-3 gegn Aftureldingu í 64-liða úrslitum Mjólkurbikarsins í kvöld. Fréttaritari Fótbolta.net náði á Davíð Örvar, aðstoðarþjálfara ÍR eftir leikinn.
Lestu um leikinn: ÍR 2 - 3 Afturelding
„Þetta er svekkjandi og ömurlegt að tapa. Úr því sem komið var
þá vorum við að rembast við að reyna jafna þennan leik, en við vorum bara ekki nógu góðir í dag.''
„Við vorum ekki með fyrsta korterið og þeir voru miklu meira með boltann en við fengum fína sénsa í seinni part fyrri hálfleiks. Við breyttum aðeins í seinni hálfleik og settum fleiri menn fram og fækkum í vörninni og úr því verða tvö mörk, en það hefði verið gaman að koma þessu í framlengingu.''
Afturelding komust 0-3 yfir en ÍR-ingar náðu aðeins að klóra í bakkann og minnkuðu muninn í 2-3 .
„Ég var vongóður en við vorum kannski aðeins of mikið að flýta okkur eftir að við skoruðum seinna markið okkar þar sem það voru rúmar 10 mínútur eftir.''
Davíð var spurður út í undirbúninginn í v etur.
„Undirbúningurinn hefur verið fínn, höfum náð í fín úrslit en ekki náð að spila heilan leik almennilega eins og við Jóhann Birnir viljum sjá. Við erum ánægðir með hópinn og höfum æft vel.''
Hann var einnig spurður út í markmið ÍR-inga í ár.
„Markmiðið er náttúrulega að reyna vinna alla leiki, en það er auðvitað ekki hægt. Við viljum reyna komast í topp 5 og ná umspilssæti sem við náðum ekki í fyrra. Það er fullt af góðum liðum í þessari deild en við gefum öllum liðum leik.''
