Magnús Már, þjálfari Aftureldingar
Afturelding unnu 3-2 sigur gegn ÍR og eru þar með komin í 32-liða úrslit Mjólkubikarsins þar sem þeir mæta Ými. Magnús Már, þjálfari Aftureldingar, kom í smá spjall við fréttaritara Fótbolta.net.
Lestu um leikinn: ÍR 2 - 3 Afturelding
„Það er gott að vera kominn í næstu umferð. Við gerðum vel fyrsta klukkutímann að komast í 3-0, síðan hleypum við þeim of mikið inn fyrir í lokakaflanum og þetta verður að hörkuleik.''
ÍR minnkuðu muninn í 2-3 og varð þetta að mjög spennandi leik seinustu 10 mínúturnar.
„ÍR er með hörkulið og það sást í dag. Það varð pínu óþægilegt þegar þeir skoruðu seinna markið, en við vörðumst vel og ég er ánægður hvernig menn stóðu saman í lok leiks''.
Birkir Már Sævarsson spilaði sinn fyrsta leik fyrir hönd Aftureldingar og náði meðal annars stoðsendingu
„Birkir er klárlega mikill liðsstyrkur og býr yfir gríðarlegri reynslu, ótrúlegur ferill sem hann hefur átt. Hann er búinn að smella vel í liðið í vikunni sem hann er búinn að eiga með okkur og átti frábæran leik í dag. Gaman að sjá hvernig hann dettur beint inn í þetta, auðvitað horft á okkur spila síðustu fimm ár, horft á bróður sinn spila. Hann þekkir þetta inn og út, held að fáir hafi mætt jafn vel á völinn hjá okkur og hann. Gaman að sjá samvinnu hans og Elmars Kára hægra megin, hversu öflugir þeir voru strax í fyrsta leik saman. Strákarnir í liðinu þurfa að nýta það að hafa svona reynslubolta með sér og læra af honum. Þetta er frábær leikmaður sem hjálpar okkur mikið.''
Aftureldingu er spáð 5. sæti í komandi Lengjudeild sem hefst eftir rúman mánuð. Magnús var spurður út í það og markmiðið í ár.
„Ég spái lítið í spám en markmiðið er klárlega að reyna komast upp úr þessari deild
