Fimm leikir eru á dagskránni í deildarkeppninni á Íslandi þennan fimmtudaginn.

Tveir leikir fara fram í Pepsi Max-deild karla og fara þeir leikir fram á Norðurálsvellinum á Akranesi og á Kaplakrikavelli í Hafnarfirði. ÍA tekur á móti toppliði Vals. ÍA sigraði fyrri deildarleik liðanna sannfærandi en Valur svaraði með bikarsigri í ágúst. FH tekur þá á móti Víkingi. Víkingur er með fjórtán stig neðarlega í töflunni á meðan FH reynir að halda í við Val í toppbaráttunni. Víkingur vann fyrri leik liðanna.

Í Lengjudeildinni eru tveir leikir á dagskrá sem var frestað í gær. Grindavík tekur á móti Leikni Reykjavík. Leiknir er í 3. sæti deildarinnar og Grindavík er um miðja deild og gæti þetta verið síðasta tækifæri liðsins að blanda sér í toppbaráttuna. Keflavík tekur svo á móti Fram í uppgjöri toppliðana. Fram er í toppsætinu en Keflavík á leik til góða.

Þá er einn leikur á dagskrá í 2. deild kvenna. Stöðuna í deildunum má sjá hér að neðan.