Enska C-deildarfélagið Reading er í miklum fjárhagsvandræðum. Reading hefur haft miklar Íslandstengingar í gegnum árin og stór nöfn í íslenska boltanum spilað fyrir félagið.

En staðan er ansi svört hjá félaginu í dag og hefur stjóri liðsins, Ruben Selles, þurft að breyta æfingaáætlunum sínum til að spara kostnað við upphitun á æfingavellinum.

Félagið hefur þurft að taka erfiðar ákvarðanir í niðurskurði vegna þungra fjárhagsstöðu, sagt upp fólki og þá skuldar það milljónir punda.

Gagnafyrirtækið StatsPerform hefur lokað á Reading þar sem félagið skuldar því greiðslur fyrir tölfræðiupplýsingar og veitingafyrirtækið Levy er hætt að sjá leikmönnum fyrir máltíðum á æfingasvæðinu.