Glódís Perla er að gera það gott í Þýskalandi
Glódís Perla Viggósdóttir, fyrirliði Bayern München í Þýskalandi, er í liði ársins í tölvuleiknum vinsæla EA FC 24. Hún fær hæstu einkunn sem Íslendingur hefur fengið í leik á vegum Electronic Arts.
Miðvörðurinn öflugi hefur átt stórkostlegt tímabil með Bayern en á dögunum tryggði liðið sér Þýskalandsmeistaratitilinn annað árið í röð.
Í nýjasta leik EA Sports, EA FC24, voru kvenkyns leikmenn kynntir inn í draumaliðs-leik EA. Þar geta spilarar búið til sitt eigið lið með uppáhalds leikmönnum sínum.
Þessa dagana er verið að kynna lið tímabilsins í leiknum en Glódís er í liði þýsku deildarinnar. Hún fær 93 í einkunn en það er hæsta einkunn sem íslenskur leikmaður hefur fengið í tölvuleiknum.
Gylfi Þór Sigurðsson fékk 89 í einkunn í FIFA 17, er hann var á mála hjá Swansea. Alfreð Finnbogason fékk 88 í einkunn á sérstöku korti fyrir besta leikmann umferðarinnar í FIFA 18 er hann var á mála hjá Augsburg.
Margir hafa komist í lið vikunnar, eins og Albert Guðmundsson á þessu tímabili, en þar fékk hann 85 í einkunn. Það er möguleiki á að hann bæti eða jafni met Glódísar þegar lið ársins verður tilkynnt í Seríu A seinna í þessum mánuði.
The best of the Frauen-Bundesliga.
— EA SPORTS FC (@EASPORTSFC) May 3, 2024
Introducing the #DieLiga Team of the Season.#TOTS pic.twitter.com/rWZMk53CIY
Athugasemdir
