Breiðablik tóku á móti Val í stórleik 5.umferðar Bestu deildar karla í kvöld þegar síðasti leikur umferðarinnar fór fram á Kópavogsvelli. Stórleikurinn stóð heldur betur undir sér en Blikarnir mega þó vera svekktir.
Lestu um leikinn: Breiðablik 2 - 3 Valur
„Mikil vonbrigði að fá á sig þrjú mörk á heimavelli og tapa. Við eigum aldrei að fá á okkur þrjú mörk á heimavelli. Hefðum átt að gera betur í þessum leik bæði í stöðinni 11-11 og 11 á móti 10." Sagði Halldór Árnason þjálfari Breiðabliks eftir leikinn í kvöld.
„Við gerðum allt, það var karakter í liðinu og menn höfðu trú á því að þeir gætu jafnað leikinn og ég hafði trú en að lenda 3-1 undir er nátturlega bara brekka á móti sterku liði og algjörlega óþarfi að koma okkur í hana."
Valur lentu einum manni færri í upphafi síðari hálfleiks en Valsmenn skoruðu þriðja markið strax í kjölfarið úr aukaspyrnu frá Gylfa Þór Sigurðssyni.
„Það var auðvitað högg. Við erum bara með það gott og reynslu mikið lið að við getum ekki boðið upp á það nýorðnir fleirri að vera hrinda mönnum í engri stöðu og gefa Gylfa aukaspyrnu þarna. Svona lítil atriði sem við erum stundum ekki nógu þroskaðir þó við séum með reynslu mikið lið og við þurfum að bæta okkur í því. Við áttum aldrei að gefa þessa aukaspyrnu á móti okkur og það er mikill munur að staðan sé 3-1 eða 2-1. Við byrjuðum bara strax í brekku."
Nánar er rætt við Halldór Árnason þjálfara Breiðabliks í spilaranum hér fyrir ofan.
Lið | L | U | J | T | Mörk | mun | Stig |
---|---|---|---|---|---|---|---|
1. Víkingur R. | 15 | 10 | 3 | 2 | 34 - 15 | +19 | 33 |
2. Breiðablik | 15 | 9 | 3 | 3 | 33 - 19 | +14 | 30 |
3. Valur | 14 | 8 | 4 | 2 | 36 - 18 | +18 | 28 |
4. FH | 15 | 7 | 4 | 4 | 27 - 24 | +3 | 25 |
5. ÍA | 15 | 7 | 3 | 5 | 33 - 21 | +12 | 24 |
6. Stjarnan | 15 | 6 | 2 | 7 | 27 - 29 | -2 | 20 |
7. Fram | 14 | 5 | 4 | 5 | 20 - 20 | 0 | 19 |
8. KA | 15 | 5 | 3 | 7 | 23 - 29 | -6 | 18 |
9. KR | 15 | 3 | 5 | 7 | 25 - 30 | -5 | 14 |
10. HK | 15 | 4 | 2 | 9 | 17 - 35 | -18 | 14 |
11. Vestri | 15 | 3 | 3 | 9 | 18 - 36 | -18 | 12 |
12. Fylkir | 15 | 3 | 2 | 10 | 21 - 38 | -17 | 11 |