Liðið er í harðri baráttu um Meistaradeildarsæti og var þessi sigur því mikilvægur.

Botnlið Salernitana náði forystunni á 18. mínútu en Atalanta náði að snúa taflinu við á sex mínútum í síðari hálfleik. Gianluca Scamacca jafnaði metin á 57. mínútu áður en hollenski miðjumaðurinn Teun Koopmeiners gerði sigurmarkið sex mínútum síðar.

Atalanta er í 5. sæti deildarinnar með 60 stig og á leik til góða á liðin í kringum sig.

Udinese og Napoli gerðu 1-1 jafntefli í Údin. Nígeríski sóknarmaðurinn Victor Osimhen skoraði mark Napoli á 51. mínútu.

Sigur hefði gert mikið fyrir Napoli í baráttu liðsins um Evrópudeildarsæti en Isaac Success ákvað að gera þá baráttu erfiðari með því að jafna fyrir Udinese undir lok leiks.

Napoli er í 8. sæti deildarinnar með 51 stig. Það sæti gefur þáttökurétt í Sambandsdeild Evrópu, en Napoli vill væntanlega stefna á Evrópudeildarsæti. Liðið er fimm stigum á eftir Lazio sem er í 7. sæti þegar þrír leikir eru eftir.

Úrslit og markaskorarar:

Salernitana 1 - 2 Atalanta
1-0 Loum Tchaouna ('18 )
1-1 Gianluca Scamacca ('57 )
1-2 Teun Koopmeiners ('63 )

Udinese 1 - 1 Napoli
0-1 Victor Osimhen ('51 )
1-1 Isaac Success ('90 )