Í kvöld kemur í ljós hvort það verður Borussia Dortmund eða Paris Saint-Germain sem mun leika til úrslita í Meistaradeild Evrópu.
Niclas Füllkrug skoraði eina markið í 1-0 sigri Dortmund á PSG á Signal Iduna Park í síðustu viku.
Leikurinn fer fram á Parc des Princes, heimavelli PSG, í kvöld, en leikurinn hefst klukkan 19:00.
Dortmund hefur tvisvar komist í úrslit keppninnar. Liðið vann keppnina eftirminnilega árið 1997 og þá stýrði Jürgen Klopp liðinu í úrslit árið 2013, en þar laut það í lægra haldi fyrir erkifjendum sínum í Bayern München.
PSG hefur einu sinni komist í úrslit en það var fyrir fjórum árum síðan en þá tapaði liðið einmitt líka fyrir Bayern.
Leikur dagsins:
19:00 PSG - Dortmund
Athugasemdir
