Tveir síðustu leikir spænska deildartímabilsins fara fram í dag. Real Madrid fær Real Betis í heimsókn og Barcelona heimsækir Eibar. Báðir leikirnir verða sýndir beint á Stöð 2 Sport.

Leikurinn í Madríd byrjar snemma. Heimamenn geta ekki hreyft sig úr þriðja sætinu og því ekki að spila upp á neitt nema stolt. Gestirnir geta aftur á móti farið upp um eitt sæti með sigri, eða upp í 10. sæti.

Það eru miklar breytingar framundan í herbúðum Real Madrid og gætu einhverjar af helstu stjörnum liðsins verið að spila sinn síðasta leik fyrir félagið.

Eibar er einu stigi á eftir Betis og getur því tekið ellefta sætið með hagstæðum úrslitum fyrir hádegi.

Börsungar eru búnir að tryggja sér enn einn deildartitilinn og eru aðeins að spila upp á stoltið. Þetta er ekki þeirra síðasti leikur á tímabilinu því bikarúrslitaleikurinn gegn Valencia er næsta laugardag.

Leikir dagsins:
10:00 Real Madrid - Real Betis (Stöð 2 Sport)
14:15 Eibar - Barcelona (Stöð 2 Sport)

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit