Aron Sigurðarson var á skotskónum í dag.
Aron Sigurðarson, leikmaður Fjölnis var skiljanlega svekktur með að markið hans réði ekki úrslitum er liðið gerði 1-1 jafntefli við Val í kvöld.
Fjölnisliðið var töluvert betra í leiknum en Einar Karl Ingvarsson skoraði undir lokin og tryggðu Valsmönnum stig.
Fjölnisliðið var töluvert betra í leiknum en Einar Karl Ingvarsson skoraði undir lokin og tryggðu Valsmönnum stig.
Lestu um leikinn: Fjölnir 1 - 1 Valur
„Jú, ég er mjög svekktur, við spiluðum vel. Í fyrri hálfleiknum þá stjórnuðum við leiknum, komumst yfir, það var lélegt að ná ekki að halda þetta út."
Aron viðurkennir að Fjölnismenn hafi verið klaufar.
„Já mér fannst það, við fengum betri færi en þeir en við vorum klaufar að nýta þau ekki. Einar Karl er flottur, þetta var flott mark hjá honum."
Mark Arons var fyrirgjöf sem fór yfir Ingvar Kale í markinu og í stöngina og inn. Aron reyndi ekki einu sinni að halda því fram að hann hafi reynt að skjóta.
„Gummi Karl gefur hann á mig, ég leit ekki einu sinni inn í, ég bjóst bara við að Gunnar Már væri inn í, ég ætlaði að setja hann á pönnuna á honum. Það var mjög ljúft að sjá hann inni."
„Nei, það sáu allir sem sáu þetta að þetta var ekki skot."
Viðtalið má sjá í heild sinni hér að ofan.
