Sky Sport á Ítalíu greinir frá því að Inter og Chelsea séu búin að komast að samkomulagi um verð fyrir lánssamning Romelu Lukaku.
Inter er við það að tryggja sér Lukaku á eins árs lánssamningi án kaupmöguleika. Þessi belgíski landsliðsmaður skoraði 64 mörk í 95 leikjum með Inter og var þeirra besti leikmaður en hefur átt erfitt uppdráttar í enska boltanum þar sem hann skoraði 8 mörk í 26 leikjum með Chelsea eftir að hafa verið keyptur á metfé.
Chelsea borgaði rúmlega 100 milljónir evra til að fá Lukaku frá Inter í fyrra og ljóst er að ítalska félagið hefur ekki efni á því að kaupa sóknarmanninn til baka.
Inter borgar 8 milljónir evra fyrir lánssamninginn en þar að auki eru árangurstengdar aukagreiðslur ef Inter vinnur mikilvægan titil. Þær greiðslur ættu ekki að fara yfir 5 milljónir.
Lukaku hefur sjálfur sagst sjá eftir félagaskiptunum til Chelsea. Honum hafi liðið vel hjá Inter og nú mun hann taka verulega launalækkun á sig til að spila aftur fyrir félagið.
Samkvæmt öðrum fjölmiðlum á Ítalíu fer Lukaku í læknisskoðun á föstudaginn og verður kynntur um helgina.
Romelu Lukaku returns to Inter, here we go and confirmed! Full agreement now signed on loan deal until June 2023, €8 loan fee plus add-ons. ⚫️🔵 #CFC #Inter
— Fabrizio Romano (@FabrizioRomano) June 21, 2022
▫️ Lukaku’s salary will be around €8m.
▫️ NO buy option or obligation clause.
▫️ Add-ons related to team performances. pic.twitter.com/3sEeQtfXs0