Fótbolti.net

mán 22. nóvember 2021 16:15

Sæbjörn Þór Þórbergsson Steinke

Merson: Koma Ronaldo setti öll plön Solskjær út um gluggann

Ronaldo og Solskjær

Mynd: EPA

Paul Merson pistlaskrifari og fótboltasérfræðingur skirfar í pistli á Sky Sports að Manchester United hafi byrjað tímabilið á verri stað en það hefði verið á áður eftir að Ronaldo kom til félagsins.

Ole Gunnar Solskjær var rekinn í gær sem stjóri United eftir slæmt gengi í upphafi tímabils.

Ronaldo kom til félagsins undir lok félagsskiptagluggans, í kjölfarið á kaupum á Raphael Varane og Jadon Sancho.

„Ég vorkenni Solskjær. Hann var með plan komandi inn í tímabilið. Hann framlengdi við Edinson Cavani og náði í Sancho sem hann hafði elt lengi. Planið var að spila Cavani í öðrum hverjum leik, Sancho á öðrum kantinum og Marcus Rashford á hinum kantinum. Svo ertu með Mason Greenwood með allan pakkann og getur leyst báðar stöður," skrifar Merson.

„Svo rétt áður en tímabilið byrjaði þá fær hann Ronaldo. Ég held að það hafi sett öll plön út um gluggann. Frá fyrsta degi þá er liðið ekki betra með Ronaldo í því."

„Sancho gat spilað í því uppleggi sem liðið spilaði í fyrra. Með Ronaldo þá getur liðið ekki spilað sama skyndisóknabolta. Bruno Fernandes, sem var besti leikmaður liðsins, hefur varla átt snertingu á tímabilinu!"

„Þetta varð einn snjóbolti fyrir Solskjær. Hann var með plan og það breyttist allt með komu Ronaldo, rétt eftir að tímabilið var hafið. Þeir fóru einungis á eftir honum af því Man City var á eftir honum. Það var ekki eins og United hafi verið að hringja í Juventus því að Ronaldo var púslið sem vantaði. Hann er það ekki!"

„Þeir hugsuðu að þeir gætu ekki látið hann fara til City - það er nóg að þeir enda fyrir ofan okkur í deildinni á hverju ári!"

Merson segir að Ronaldo sé goðsögn en United þurfi á liði að halda.

„Solskjær reyndi að setja hann á bekkinn gegn Everton. Hann reyndi þar að réttlæta að halda áfram sinni vegferð en sá leikur vannst ekki og hann varð að fara í að spila Ronaldo í öllum leikjum. Þeir eltust við Sancho í 18 mánuði og hann endar á því að spila ekkert. Hann var fullkominn fyrir leikkerfið sem spilað var í fyrra."

„Stuðningsmenn elska Ronaldo, hann er kóngurinn. Ekki misskilja mig, hann hefur verið einn besti leikmaður heims en hann er akkílesarhællinn. Gæinn er goðsögn, með öll metin sem hann á, en hann er ekki sá leikmaður í dag."

„United þarf að spila sem lið til að vinna titla, ekki með einn sem stendur frammi og skorar tuttugu mörk. Þeir þurfa lið. Hann er goðsögn, ég er ekki að gagnrýna Ronaldo, hann er einn besti leikmaður í sögunni."

„Það er ekki Solskjær að kenna að Ronadlo kom - hann keypti hann ekki! Það þarf að gefa Ronaldo frjálsa rullu. Ég veit ekki hvort það sé hægt að spila honum. Ég veit ekki hvort þeir séu með nægilega yfirburði á miðsvæðinu, og án Raphael Varane í vörninni eru þeir út um allt á vellinum," skrifaði Merson.

Ronaldo er 36 ára gamall og hefur skorað níu mörk í þrettán leikjum með United á leiktíðinni. Sancho er 21 árs og kom frá Dortmund í sumar. Hann hefur spilað 654 mínútur í þeim fjórtán leikjum sem hann hefur komið við sögu í.

Pistilinn má sjá lesa í heild sinni hér.

		L	U	J	T	ms:	mf:	mun	Stig
1	Arsenal	35	23	7	5	65	26	+39	76
2	Man City	33	21	7	5	66	29	+37	70
3	Man Utd	34	17	10	7	60	46	+14	61
4	Liverpool	34	17	7	10	57	44	+13	58
5	Aston Villa	34	17	7	10	47	42	+5	58
6	Brentford	35	14	9	12	52	46	+6	51
7	Brighton	35	13	11	11	49	42	+7	50
8	Bournemouth	34	11	16	7	52	52	0	49
9	Chelsea	34	13	9	12	53	45	+8	48
10	Fulham	35	14	6	15	44	47	-3	48
11	Everton	34	13	8	13	41	41	0	47
12	Sunderland	35	12	11	12	37	46	-9	47
13	Newcastle	35	13	6	16	49	51	-2	45
14	Crystal Palace	33	11	10	12	36	39	-3	43
15	Leeds	35	10	13	12	47	52	-5	43
16	Nott. Forest	34	10	9	15	41	45	-4	39
17	West Ham	35	9	9	17	42	61	-19	36
18	Tottenham	34	8	10	16	43	53	-10	34
19	Burnley	35	4	8	23	35	71	-36	20
20	Wolves	35	3	9	23	25	63	-38	18